VOV4.M’nông: Ta Hà Nội, Rnâng kan mât đăp mpăn, Rnâng kan ƀư Đại hội Thể thao Đông Nam Á (Sea Games 31) ndrel Rnâng kan mât đăp mpăn Sea Games 31 N’gâng kan Công an ƀư rƀŭn nchră lôch nau kan gay uănh nau mât đăp mpăn, nâp ueh Sea Games 31. Ƀư ting nau nchrăp đăp mpăn Sea Game 31, N’gâng kan Công an hŏ ntrŭnh nau nchrăp mpeh nau mât rnă njrăng, đăp mpăn đại hội, ndâk Tiểu ban đăp mpăn Sea Games 31, ntrŭnh âk nau kan, rơh rƀŭn gay mât đăp mpăn nau ntơm ƀư kan, nar lôch kan ndrel ăp rơh tâm rlong Chung kết chưng play bu klô, bu ur, ƀư nau mêt uănh nau kan rnă njrăng đăp mpăn tâm 6 ntŭk tơm. Tâm nar rƀŭn nchră, Kruanh n’gâng kan Công an Lương Tam Quang đă ăp n’gâng kan, ntŭk kan, nkuăl lŏ ƀư nau kơl an, pơk trong nơih, tâm rgop ueh đah N’gâng kan Công an tâm nau mât đăp mpăn, rnă njrăng lah nsum, mât đăp mpăn ăp nau kan chính trị, văn hoá khlay bah neh dak lah êng, kơl an nau ndâk rmôt Công an ƀon lan ngăn ngên kloh, nâp nâl, blau, ngăch, mhe, tŏng dơi nau ŭch tâm rơh mhe./.

Nŭih rblang: H’Thi