Kêng măng 29/6, N’gâng kan ntĭm nti ƀư rơh rƀŭn mbơh mpeh Rơh tâm rlong tốt nghiệp THPT năm 2023. Groi Kruanh Phạm Ngọc Thưởng-Kruanh Ban ntĭm rđău gưl ngih dak rơh tâm rlong tốt nghiệp THPT năm 2023 ƀư tơm rƀŭn mbơh. Rơh tâm rlong tốt nghiệp THPT năm aơ geh rlău 1 rkeh kon hŏk dăn râng tâm rlong. Rlău 2 nar tâm rlong rnoh kon hŏk tât râng tâm rlong geh 98,86%. Lam dak geh 2.272 ntŭk tâm rlong n’hanh 43.032 jrô tâm rlong.

Uănh lah bôk năp, trong kan nchrăp ƀư tâm rlong dơi ƀư lor, uĕh, lĕ rngôch. Nău ƀư uănh tâm rlong lĕ rngôch ăp ntŭk tâm rlong đăp mpăn rjăp; Đề tâm rlong tâm nău nti THPT, tĭng nchrăp tâm di nău ƀư tĭng uănh kơp dơn tốt nghiệp phổ thông n’hanh pă an dữ liệu nsing nơm gay ăp ntŭk ntĭm nti đại học, ntĭm nti nău kan uănh dŏng săch nti. Trong kan njrăng n’gang mplư rlăm công nghệ mhe lĕ dơi uănh rjăp, yơn lah, tâm rnôk uănh tâm rlong, êng hôm e du đêt kon hŏk ndra ƀư tih nău ntrŭnh dŏng điện thoại tâm jrô tâm rlong n’hanh du đêt nai mô hŏ ƀư di, tŏng nău ntrŭnh rnôk uănh tâm rlong. Na nê̆, geh 41 kon hŏk an rlu tâm rlong. Ta nar rƀŭn mbơh, ntoh măt N’gâng kan ntĭm nti ơh âk nău ôp ndal n’gluh an nău tâm rlong; mbơh lor đề tâm rlong ta Cao Bằng, Yên Bái...