Ntoh ngơi ta rƀŭn nchră, Kruanh Quốc hội Vương Đình Huệ an gĭt, ta rơh rƀŭn tal 5, Quốc hội mbra ƀư âk nău kan têh mpeh trong kan ndâk njêng pháp luật, groi nđôi n’hanh ntrŭnh ăp nău khlay. Ăp nkô̆ nău an rgop lah ăp nău jêr, ngăn lah ăp nău geh tât neh ntu, ndranh, rnoh khlay, jay gŭ.... Yor nê, tĭng Kruanh Quốc hội, rƀŭn nchră aơ gay mkra na nê̆ ăp nău hôm e geh nău mĭn êng êng n’hanh khlay geh nău tâm ban ŭch đah ngih pah kan mbơh n’hanh uănh nđôi.

Lah du đêt nkô̆ nău mbrơi njuăl tât ngih pah kan uănh nđôi n’hanh Ủy ban Thường vụ Quốc hội lĕ khuch tât nău ƀư tĭng ăp trong ƀư bah kơi; du đêt nkô̆ nău khlay mbơh an Quốc hội tât aƀaơ ăp n’gâng kan mô hŏ geh nău tâm ban ŭch, Kruanh Quốc hội đă, đah ăp nău têh, jêr, hôm e rgop êng êng ri ngih pah kan mbơh, ăp n’gâng kan, nău kan an tâm nchră na nê̆, dơi geh tâm ban ŭch ndrel ri mư dơi mbơh Quốc hội. Thủ tướng Chính phủ đă Quốc hội, Ủy ban Thường vụ Quốc hội uănh tât nău kơl tâm pă, pă nău rđău gay ƀư soih trong kol tâm nău ƀư tĭng. Mpeh đah Chính phủ, tâm năm tât, Chính phủ mbra nsrôih ƀư tâm pă gưl, tâm pă nău rđău kan hăn ndrel n’hao lĕ đah nău kan.

 Lam ta ntŭk rƀŭn nchră