Ôi 17/9, ta Ngih Quốc hội, ƀư Rƀŭn nchră Đảng đoàn Quốc hội đah Ban cán sự Đảng Chính phủ mpeh trong kan nchrăp an Rơh rƀŭn tal 8, Quốc hội khóa 15. Bí thư Đảng đoàn Quốc hội, Kruanh Quốc hội Trần Thanh Mẫn n’hanh Bí thư Ban cán sự Đảng Chính phủ, Thủ tướng Chính phủ Phạm Minh Chính ndrel ƀư tơm rƀŭn nchră.

Ntoh ngơi ntơm ƀư, Kruanh Quốc hội Trần Thanh Mẫn an gĭt, Rơh rƀŭn tal 8 geh âk nkô̆ nău ngăn tâm ăp rơh rƀŭn ntơm bôk năm kan Quốc hội khóa 15 tât aƀaơ. Quốc hội mbra uănh mĭn tay 39 nkô̆ nău, tâm nĕ geh 29 nkô̆ nău mpeh tâm trong kan ndâk njêng pháp luật, 10 rmôt nkô̆ nău mpeh wăng sa-rêh jêng, tơm prăk ngih dak; groi nđôi, trong kan nuĭh kan n’hanh ăp nău êng. Nchrăp, rơh rƀŭn tal 8 ntơm ƀư tâm lơ 21/10 n’hanh ƀư tâm 29 nar, dơi ƀư jêng 2 rơh. Kruanh Quốc hội an lah, rƀŭn nchră dơi ƀư bah năp rnôk ƀư rơh rƀŭn du khay gay ăp ngih pah kan nchih rgum, uănh nđôi geh nar ƀư tĭng di Luật an sam ƀŭt quy phạm pháp luật; nkre gay tâm nchră, tâm ban ŭch mpeh nkô̆ nău bôk nău kan Rơh rƀŭn tal 8