VOV4.M’nông – Ta Hà Nội mhe ƀư rƀŭn nchră Doanh nghiệp Việt Nam (VBF) ăp năm đah nkô̆ nău “Rdâk nkra tay wăng sa n’hanh hun hao trong pă manh tâm rnôk nâm ơm mhe”. Ta rrbŭn nchră, ăp hiệp hội doanh nghiệp dak bah dih uănh lah prêh ăp nău nsrôih n’hanh săk rnglăy uĕh tâm năm 2021, đah ŭch pơk mpông, rdâk nkra tay n’hanh hun hao bah Việt Nam, đah nău rđău nâp nâl, ăp nău ton têh dăng bah kruanh Đảng, Ngih dak n’hanh nău tâm rnglăp nâp nâl bah ƀon lan.

Lam ntŭk rƀŭn.

Rƀŭn nchră lah di an nsum mpôl doanh nghiệp tâm rgop nău, dăn đă ăp trong mkra gay mbơh ƀư Nghị quyết mrô 11 bah Chính phủ mpeh bôk nău kan rdâk nkra n’hanh hun hao wăng sa-rêh jêng; nkre, mĭn lĕ nău kan bah ăp ngih pah kan mât uănh Ngih dak n’hanh nsum mpôl doanh nghiệp tâm nău rgâl ntŭk ntô ntuh kơl tăch rgâl, ntrôl hun hao nkual wăng sa êng n’hanh rgop uĕh an nău hun hao nâp nâl bah Việt Nam.

Nuĭh rblang: Y Sưng Phê Ja