Ôi nđaơ (14/11), ta Hà Nội, Đảng ủy Khối ăp ngih pah kan Trung ương ƀư rƀŭn nchră sŏng dăng tâm rgop đah trực tuyến mât uănh nđôi nău Ndrôm sam ƀŭt “Lam dak du nuih n’hâm, ndăn ăp nău tât, rlet rlău ăp jêr jŏt, ntŭl rlong, nsrôih ƀư dơi Nghị quyết Đại hội 13 bah Đảng” bah Tổng Bí thư Nguyễn Phú Trọng tâm lam đảng bộ.

Ntoh ngơi n’glôn jêh rƀŭn nchră, đồng chí Nguyễn Văn Thể, Bí thư Đảng ủy Khối ăp ngih pah kan TW đă ăp gưl ủy, rmôt kan đảng tâm Khối ntĭm rđău lôch uĕh nău kan chính trị; ăp ntil trong kan ndâk njêng Đảng mpeh chính trị, nău mĭn, nău rêh, trong kan rmôt kan, uănh nđôi, trong kan rgŏ jă n’hanh ntĭm rđău ăp nsum mpôl tâm 2 năm dŭt năm kan; nsrôih lôch jêh ƀư dơi Nghị quyết Đại hội 13 bah Đảng bộ khối. Jêh rƀŭn nchră aơ, ăp gưl ủy mpeh tâm Đảng ủy Đài TNVN mbra ƀư mât uănh, nkoch trêng, nkoch tơih nkô̆ nău ndrôm sam ƀŭt tât lĕ rngôch cán bộ, đảng viên, công chức, viên chức tâm lam đảng bộ.