VOV4.M’nông – Kêng măng 6/3 ta Đà Nẵng, ƀư rƀŭn nchră rnâng kan Hội đồng nhân dân ăp n’gor, nkual ƀon têh nkual Nam Trung Bộ n’hanh Tây Nguyên rơh bôk năp, năm kan 2021-2026. Ăp nuĭh ntoh măt lĕ djăt nău mbơh râng tâm nchră bah rnâng kan HĐND ăp n’gor, nkual ƀon têh ƀư kloh mpeh 3 nkô̆ nău. Bôk năp lah “Nău blău ơm tâm nău n’hao uĕh nâp, săk rnglăy rơh rƀŭn rnâng kan HHDND ăp n’gor mpeh nău mblang bah ăp ngih pah kan, rmôt kan êng nuĭh tĭng Luật tổ chức n’gâng kan ƀon lan”. Nău tal 2 lah “Nău rgâl mhe trong ƀư, n’hao uĕh nău ƀư groi nđôi, uănh nđôi nău mbơh, nău rgop tâm nchră, dự thảo nghị quyết mbơh ta rơh rƀŭn”. Nău tal 3 lah “Nău blău ơm, trong mkra n’hao uĕh nâp, săk rnglăy nău ƀư groi nđôi, uănh nđôi bah ban bâh HĐND”. Ntoh ngơi n’glôn jêh Rƀŭn nchră, Groi Kruanh rnâng kan Quốc hội Trần Thanh Mẫn đă rnâng kan HĐND ăp ntŭk an mât uĕh nuih n’hâm “Nchrăp lor, mĭn ƀư mhe n’hanh ngăch pr” tâm nău ƀư tĭng gưl kan, nău kan; uănh nmđôi ăp nău rgâl mhe bah Quốc hội gay dơi dŏng, hăn ndrel tâm di đah ăp ntŭk.

Nuĭh rblang: Y Sưng Phê Ja