Ôi 11/4, ta Hà Nội, Đảng ủy Khối ngih pah kan Trung ương ƀư rƀŭn nchră trong kan nău mĭn n’hanh nău lư rêh jêng kon nuĭh n’gul năm kan Đại hội 13 gay uănh lah săk rnglăy trong kan nău mĭn n’hanh nău lư rêh jêng bah bôk năm kan tât aƀaơ n’hanh nău kan trong mkra năm tât đah trong kan nău mĭn n’hanh nău lư rêh jêng tâm Đảng bộ Khối.  Ntoh ngơi ntĭm rđău Rƀŭn nchră, đồng chí Nguyễn Văn Thể, Bí thư Đảng ủy Khối ngih pah kan Trung ương an lah:

Trong kan nău mĭn n’hanh nău lư rêh jêng năm bah năp lĕ dơi Đảng ủy khối n’hanh ăp gưl ủy uănh tât, uănh khlay; trong kan gĭt nu nău, uănh lah, nchrŏng trong n’hanh mkra ăp nău mpeh nău mĭn n’hanh nău lư rêh jêng ngăch lơn. Đồng chí Nguyễn Văn Thể đă năm tât Đảng ủy Khối n’hanh ăp gưl ủy ƀư tĭng uĕh tay rơh tâm rlong chính luận mpeh mât njrăng nău mĭn bah Đảng; nkre ndâk njêng trong nchrăp ƀư tĭng rjăp ăp nău ntrŭnh mpeh nău kan ntrong leo bah cán bộ, đảng viên hăn ndrel ƀư tĭng n’glôn jêh mrô 01 bah Bộ Chính trị mpeh ƀư tĭng tay Nău ntĭm đă 05-mpeh ntrôl dăng nti n’hanh ƀư tĭng nău mĭn, nău rêh, pah kan Hồ Chí Minh.