VOV4.M’nông: Ôi 29/7, ta ntŭk kan Chính phủ, Rnâng kan rđau nau lôch rơh rƀŭn ƀư Luật neh ntu ndrel ndâk nau kan nchrăp Luật neh ntu (rgâl nkra) rƀŭn rơh bôk năp. Groi Thủ tướng Chính phủ Lê Văn Thành, Kruanh Rnâng kan rđau nau kan ƀư tơm nar rƀŭn. Tĭng n’gâng kan Tài Nguyên ndrel Môi trường, jêh 8 năm ƀư tĭng Luật neh ntu, nau kan mât neh ntu hŏ dơi geh ăp nau kan khlay. Yơn lah, tâm nau kan tĭng luật hôm kol, ê geh dơi kơt: Nau rgum ê geh đăp mpăn nau rgum, tâm ban ăp ntil; Kan sŏk lơi neh, trok tâm, kơl an, ndâk mhe ê geh đăp mpăn tâm di ma nau ŭch bah nŭih ƀon lan; Tâm pit, tâm phong lah ndrel tih luật pháp mpeh neh ntu hôm geh tât jêr...Ndri ma nau ndâk bôk nau nchrăp Luật neh ntu (rgâl nkra) lah nau khlay. Lôch rơh rƀŭn, Groi Thủ tướng Lê Văn Thành đă Rnâng kan nchrăp ndâk bôk nau nchrăp Luật neh ntu (rgâl nkra) ân geh ƀư dăch tĭng nau ntrŭnh mrô 18 bah rơh rƀŭn tal 5, Rnâng kan rđau kan Trung ương gưl 13 mpeh nau mât đăp mpăn săk tam, nâp tâm nau mât ndrel dŏng neh, njêng nau nâp leo neh dak nơm jêng hun hao geh âk lơn./.

Nŭih rblang: H’Thi