VOV4.M’nông: Kêng măng 25/5, ta Ngih kan Quốc hội, rđau kan Đảng ndrel Ngih dak mâp măt ntoh măt Quốc hội lah nŭih rnoi mpôl đê̆ gưl 15. Ntoh nau tâm nar mâp măt, Kruanh Quốc hội Vương Đình Huệ lah rjăp, Đảng ndrel Ngih dak mro ƀư ntrŭnh du ntrong kan tâm rnglăp ăp rnoi mpôl geh nau kan khlay ngăn đah dak nơm, du neh dak đăp mpăn bah 54 rnoi mpôl oh nô ndrel rêh, ndrel ndâk njêng nau kơl an tâm rnglăp rnoi mpôl, tâm nau ryơk nau tâm ban, tâm rnglăp, tâm ryơk ndrel tâm kơl ndrel hun hao.

Kruanh Quốc hội Vương Đình Huệ ŭch ăp ntoh măt Quốc hội lah nŭih rnoi mpôl đê̆ kơl an nau kan, nau kơl đăp mpăn săk tam bah nau ntrŭnh, ntrong kan bah Ngih dak tâm gôl yôk, nkuăl n’har bri, nkuăl ƀon lan rnoi mpôl đê̆, rgum ndâk nkuăl rnoi mpôl đê̆ ndrel gôl yôk hun hao ngăch mpeh văng sa, văn hoá, rêh jêng, mât nâp nau dơi rnă njrăng, neh dak, tâm rnglăp đah nau hun hao nsum bah neh dak, đah nau dơi kan khlay bah neh dak./.

Nŭih rblang: H’Thi