Ndrel đah mô an geh nău sŏk nsiang, nău kan ntĭm nti n’gor Kon Tum dôl nsrôih rgâl mhe rơh rƀŭn me bơ̆ bôk năm nti mhe gay rhŏ uĕh ngăn nău ntĭm n’hanh nti. Tĭng ntĭm rđău bah N’gâng kan ntĭm nti n’gor Kon Tum, ban giám hiệu ăp ngih sam ƀŭt tiểu học n’hanh tĭng nai mât uănh ƀĭt joet  jrô nti mô an geh nău nar rƀŭn me bơ̆ bôk năm nti mhe knŭng lah ntŭk mbơh ăp nău sŏk an ndơ̆.

Gay rgâl mhe rơh rƀŭnme bơ̆, ăp ngih sam ƀŭt tĭng nu nău ngăn an kơl lor ăp nkô̆ nău, kơt: tâm rgâl, kơp dơn ngoăy mpeh trong ntĭm nti oh kon; nău tĭng đăp mpăn ntung trong; njrăng n’gang nău ma túy ta ngih sam ƀŭt, đăp mpăn nu nău mạng; mât uĕh rnoh kon se nti; mât uĕh săk rnglăy prăk ntuh kơl bah ngih dak đah kon hŏk rnoi mpôl đêt. Wa Đoàn Thành Nhân, Groi Giám đốc N’gâng kan ntĭm nti n’gor Kon Tum, an gĭt đă n’gluh an tă bah nar rƀŭn, me bơ̆ an dơi gĭt ăp nău mbơh khlay đah nău nti nsơm bah oh kon.