VOV4.M’nông – Văn phòng Chính phủ an Nău mbơh mrô 253 trêng nkoch n’glôn jêh bah Thủ tướng Phạm Minh Chính ta rơh rƀŭn tal 3 bah Ủy ban Ngih dak mpeh rgâl mrô. Nău mbơh n’glôn jêh nkoch kloh, rgâl mrô lah ndơ ƀư khlay tâm ndâk njêng jâng wăng sa đăp mpăn ƀư tơm êng, ndrel đah nchrăp lor, dŭt n’hâm rgum lăp lam ntŭr neh jru hvi, ngăn ngên, săk rnglăy. Đah công nghệ, âk ntŭk tăch rgâl, ăp trong pă an manh, ndoh ndơ, n’hao uĕh ndơ gay rgop rdâk njêng n’hanh hun hao wăng sa-rêh jêng. Thủ tướng Chính phủ đă bah aƀaơ tât lĕ năm 2022 n’hanh năm tât, Kruanh N’gâng ăp n’gâng kan, Kruanh ngih pah kan tâm ban bộ, ngih pah kan tâm chính phủ, Kruanh UBND ăp n’gor, nkual ƀon têh mpeh tâm trung ương dŭt n’hâm, nchrăp lor tay, ntĭm rđău dŭt n’hâm, mbơh ƀư, geh ntrong leo, tâm pă nuĭh kan ƀư tĭng ăp nău kan rgâl mrô bah N’gâng kan, ngih pah kan, ntŭk nơm.

Nuĭh rblang: Y Sưng Phê Ja