VOV4.M’nông: Kêng măng 24/1, ta Hà Nội, Trung ương Đoàn druh ndăm cộng sản Hồ Chí Minh, Ntŭk kan Plan International Việt Nam tâm rgop nsum ƀư nau rgŏ jă nau kan nkoch mbơh “Druh ndăm blau-mô dơi tâm nkhah bu ur bu klô”. Râng nau rƀŭn geh Groi Kruanh Uỷ ban văn hoá, ntĭm nti bah Quốc hội. Nau kan nkoch trêng “Druh ndăm blau-mô dơi tâm nkhah bu ur bu klô” geh pă jêng 4 rnôk ƀư đah ăp nkô̆ “Nau kan tâm rnăk vâl lah nau kan nsum”, “ndrel râm kơl nau kan prăk kaih tâm rnăk vâl”, “Nau kan lah nau săch, mô geh tâm pă”, “Bu ur kŏ dơi geh jêng nŭih rđau kan blau”. Nau kan geh ntrŭnh ƀư tâm lam dak, ntơm rnôk aơ tât lôch khay 11/2022 đah nau ƀư sŏng ndrel trực tuyến bah nau tâm n’ur ma ăp nŭih nkoch nau, ndrĭng nau mprơ, nchih nau mprơ bah nau kan, ƀư ăp nau tâm nchră, nkoch mbơh nau, n’hao nau blau ân đoàn viên, druh ndăm tâm du đê̆ n’gor ndrel nkuăl ƀon têh ndrel fanpage “Druh ndăm blau” tâm Facebook./.

Nŭih rblang: H’Thi