Kêng măng 15/5, ta Hà Nội, Hội Chữ thập đỏ Việt Nam rgŏ jă rgop ƀư prăk nkrem “ndrel hăn kon se ach o, kon se quet nte”. Tĭng Hội Chữ thập đỏ Việt Nam, geh nklăp 4 rkeh kon se mô tŏng geh ndơ tât dŭt đêt bar ndơ rhŏ dŏng tơm tâm nău rêh; rlău 160.400 kon se quet nte ta nâm 17 năm deh ân geh nău ntop kơl bah lam rêh jêng kon nuĭh; rlău du n’gul kon se rnoi mpôl đê̆ ta Việt Nam lah kon se ach o âk ntil.

Jêng, trong ƀư rgop  prăk nkrem “Ndrel hăn kon se ach o, kon se quet nte” gay rgŏ jă ƀon lan lam dak nsum ti kơl ndơ ngêt sa, ndơ rsong hăn, ntŭk n’gon trău, trong dak kloh  uĕh an kon se ach o, kon se quet nte, kon se kon đơi, geh tât khuch bah nuh srê Covid-19, kon se nkual dŭt jêr jŏt, rgop rgâl geh ndơ sa sĭt dăng suan, geh nău rêh an ăp kon se. Tâm rnôk an ƀư trong rgop prăk nkrem “Ndrel hăn kon se ach o, kon se quet nte” ntơm bah nar 12/5 tât 10/7/2023 đah 02 trong kơl lah: Kơl ma trong tin nhắn TE njuăl tât 1406 (20.000 prăk/tin nhắn) mô lah kơl ndơ̆ ma tài khoản thiện nguyện 2022.