Nar 23/8, ta Hà Nội, Liên đoàn Thương mại n’hanh Công nghiệp Việt Nam (VCCI), Hội đồng Doanh nghiệp yor ma nău hun hao jŏ jong Việt Nam (VBCSD) ƀư rgum nchră Doanh nghiệp hun hao jŏ jong Việt Nam.

Rgum nchră Doanh nghiệp hun hao jŏ jong (VCSF) 2023 geh nkô̆ “Rơh tâm rlong nđĭr uĕh lam ntŭr neh: Ntơm bah trong nchrăp tât trong kơt dŏng ngăn tăch rgâl jŏ jong”. Rgum nchră lĕ ma rơh way nkô̆ dơi ƀư bah ôi n’hanh Rơh rgum lam lĕ rngôch dơi ƀư tâm kêng măng ndrel nar.

Ăp nkô̆ rgum tơm khlay dơi tâm nchră năm aơ lĕ ma: ntrŭt ntrôl ndơ̆ rgâl ŭnh nar jŏ jong; ntrôl dăng an ƀư trong ntĭt leo nô nău wăng sa sĭt jêng tay; rdâk njêng rêng pă an nđĭr... Rgum nchră lah rnôk gay mpôl doanh nghiệp tâm ôp, tâm nchră, dăn đă, trong nkra tât ăp nhih pah kan geh tât tâm nău n’hao dăng tâm rlong, ntrŭt ntrôl nău hun hao jŏ jong bah doanh nghiệp lah êng n’hanh bah neh dak lah nsum. Rgum nchră wăch rgum 250 nuĭh ntơh măt tât râng n’hanh nklăp 300 nuĭh ntơh măt râng pơk ŭanh bah ngai lĕ ma ntơh măt kruanh rđău kan bah ăp nhih pah kan, n’gâng kan, ntơh măt ăp mpôl kan tâm boh dak bah dih, ăp mpôl kan dak bah dih n’hanh  mpôl doanh nghiệp lam dak, ăp nuĭh rnâng kan n’hanh ăp nhih pah kan báo chí, truyền thông. /.