Râng rgum nchră geh wa Trần Tuấn Anh, Ủy viên Bộ chính trị, Kruanh ban kinh tế Trung ương, ntoh măt ăp n’gâng kan, nău kan, kruanh 5 n’gor Tây Nguyên, ăp nuĭh way kan wăng sa, nuĭh khoa học, ăp doanh nghiệp. Ta rgum nchră, ăp đại biểu lĕ sŏng dăng ntĭm ăp nău hôm e mô hŏ dơi ƀư mât uănh, njrăng n’gang n’hanh hun hao bri bah Tây Nguyên aƀaơ.

Nĕ lah rnoh neh bri geh hŭch ngăch tă bah phah bri, rŭn in neh bri, sŏk kăl si mô di pháp luật. Nău dun rlơn nuĭh pah kan mât njrăng bri geh âk đah nău nar lơ jru. Trong kan nkoch trêng rgŏ jă bôl ƀư ƀa ƀơ yơn săk rnglăy mô âk... Ăp nău tâm nchră dơi nkoch ta rgum nchră lĕ rgum tâm ăp nău uănh lah nău kơl, pháp luật neh ntu an aƀaơ, rblang du đêt trong ƀư, nău kơl dơi ntrôl, n’hao săk rnglăy mât uănh, njrăng n’gang n’hanh hun hao bri.