Kêng măng nđaơ (30/1) ta Hà Nội, N’gâng kan Tuch tăm mât rong n’hanh Hun hao ƀon lan tâm rgop đah Ngân hàng lam ntŭr neh n’hanh Rmôt kan Hao jêng Châu Á ƀư rgum nchră trực tuyến “Kan ndrel nsum-êng ntrôl rgâl mhe mĭn njêng, mbơh ƀư Bôk nău rgop tâm nchră 1 rkeh ha ba phe uĕh kah âk, nsuk djơh đêt”. Ta rgum nchră, Kruanh N’gâng kan tuch tăm mât rong n’hanh hun hao ƀon lan Lê Minh Hoan an gĭt, lŏ mir, ƀon lan, thôn ƀon dơi kruanh Đảng, Ngih dak n’hanh Chính phủ Việt Nam năl “lah nău dơh ngih dak, rdâng bah jâng wăng sa”.

Tâm nĕ nkra njêng phe ba lah nău kan nkra njêng khlay, mô knŭng kơl đăp mpăn rnă njrăng ndơ sông sa ngih dak ma hôm ntop kơl an hun hao wăng sa bah neh dak kơt ƀư lĕ nău kan bah Việt Nam tâm nău đăp mpăn ndơ sông sa lam ntŭr neh. Gay mbơh ƀư Bôk nău rgop tâm nchră hun hao 1 rkeh ha ba lŏ uĕh kah âk n’hanh đêt nsuk djơh đêt, Việt Nam an rgŏ jă ăp nuĭh n’hanh khoa học kỹ thuật, ngoăy tâm ăp ndơ khlay lah “Trong hăn mhe mĭn njêng phe, ba, ndơ ngêt sa” ta Việt nam dơi ndâk njêng tĭng nău mĭn mhe bah Rƀŭn nchră wăng sa lam ntŭr neh, đah nău ŭch tâm rgop ăp trong rgâl mhe tâm dak n’hanh lam ntŭr neh gay ntrôl nău dŏng công nghệ mrô gay hun hao khlay ndơ lŏ mir thông minh.