VOV4.M'nông: Ôi 25/5, ta Hà Nội, Bộ Công an n'hanh Ban Tuyên giáo Trung ương kan nsum ƀư Rgum nchră khoa học gưl neh dak "Mpôl Cảnh sát ƀon lan tâm n'gâng kan cách mạng Việt Nam". Rlău 100 nău nchih njuăl tât tâm nchră, gay nkoch lam lĕ rngôch ăp nkô̆ nău lý luận n'hanh ngăn ngăn mpeh rdâk njêng mpôl Cảnh sát ƀon lan, han săk, rŏng nuĭh, yor ma ƀon lan rhŏ dŏng du trong lam lĕ rngôch, geh rêng kan. Lah rjăp: Tâm du bông rlăch ndăng, rdâk njêng n'hanh têh jêng, mpôl Cảnh sát ƀon lan way nsrôih, ƀư bah ăp nău jêr jŏt, lĕ nuih n'hâm ma nău kan, lĕ nuih n'hâm rhŏ dŏng an ƀon lan, di đah 16 nău lah khlay dơi Ngih dak mpư rnê “Cảnh sát Việt Nam blău rlăch, han săk, yor ma neh dak yor ma ƀon lan, chuêl săk nơm an rhŏ dŏng". Aơ lah ăp ndơ geh mĭn njêng khoa học lĕ nuih n'hâm, bôk rngok gĭt blău, dơn kan, geh nkô̆ dŭt âk mpưm, âk ntil, nchih nkoch jru ăp nkô̆ nău lý luận, ngăn ngăn geh tât pah kan rdâk njêng mpôl Cảnh sát ƀon lan cách mạng, glêh tam, ngăch prăl, têh dăng mhe./.  

Nuĭh rblang: Điểu Thân