Rgum nchră khoa học “Ndơ an saơ lịch sử n’hanh nău ƀư tơm bah Chính phủ Cách mạng lâm thời Cộng hòa miền Nam Việt Nam tâm rơh tâm lơh mprơh Mỹ, kơl neh dak”
Thứ tư, 09:52, 07/06/2023
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV4.M’nông - Ôi (6/6), ta nkual ƀon têh Đông Hà, n’gor Quảng Trị tâm rgop Học viện Chính trị quốc gia Hồ Chí Minh n’hanh Văn phòng Chính phủ ƀư rgum nchră khoa học gưl n’gâng kan “Ndơ an saơ lịch sử n’hanh nău ƀư tơm bah Chính phủ Cách mạng lâm thời Cộng hòa miền Nam Việt Nam tâm rơh tâm lơh tâm su mprơh Mỹ, kơl neh dak”.
Mpôl rdâk ƀư Rgum nchră lĕ dơi dơn rlău 40 nău tâm nchră bah ăp nuĭh saơ lịch sử n’hanh ăp nuĭh khoa học. Ntŭk ntô n’hanh nău rgŏ jă ngăn bah lịch sử lĕ ndơ̆ Quảng Trị jêng nkual neh geh nkô̆ nău khlay mpeh chính trị, tahen tâm nău kan ndâk njêng neh dak n’hanh mât bri dak.
Ntŭk aơ du rơh dơi uănh lah “chiến địa”, phên dậu”, tâm nĕ lịch sử lĕ nchih tay lah ntŭk kan Chính phủ Cách mạng lâm thời Cộng hòa miền Nam Việt Nam bah 1973-1975. Wa Nguyễn Đăng Quang, Groi Bí thư rnâng kan N’gor ủy Quảng Trị nkoch nău ŭch, tă bah rgum nchră aơ, ăp sam ƀŭt, luận cứ khoa học mbra dơi tâm nchră, rblang gay ƀư kloh tay mpeh an saơ lịch sử, nău ƀư tơm bah Chính phủ Cách mạng lâm thời Cộng hòa miền Nam Việt Nam tâm rơh tâm lơh tâm su mprơh Mỹ, kơl neh dak.
Viết bình luận