VOV4.M’nông –  Tâm trôm bôk nău kan Tâm mâp Gia Lai-Nhật Bản 2022, nar nđơn, 22/5, N’gâng kan Ngoại vụ n’gor Gia Lai tâm rgop đah Trung tâm dịch vụ Đối ngoại n’hanh Rƀŭn nchră lam ntŭr neh-FSC (N’gâng kan Ngoại vụ nkual ƀon têh Hồ Chí Minh) n’hanh Ntŭk tâm nđŭr Việt-Nhật ƀư rgum nchră “Nău geh n’hanh nău dơi ntuh kơl đah Gia Lai n’hanh ăp ntŭk bah dak Nhật Bản ta nkual ƀon têh Pleiku.

Rgum nchră “Ndơ geh n’hanh nău dơi ntuh kơl đah Gia Lai n’hanh ăp ntŭk bah Nhật Bản”

Ta rgum nchră, wa Shimizu Akira-Kruanh ntoh măt văn phòng ngih pah kan ndrel lam ntŭr neh Nhật Bản (JICA) nkoch nău ŭch, Gia Lai rgâl uĕh du đêt nău gay ăp doanh nghiệp Nhật Bản đăp mpăn ntuh kơl jŏ jong. Wa Hồ Phước Thành-Groi Kruanh UBND n’gor Gia Lai an gĭt, nău ntrôl dăng wăch rgum ăp nuĭh ntuh kơl hun hao lŏ mỉ, công nghiệp nkret njêng, công nghiệp ŭnh nar n’hanh pâl nđaih dơi n’gor năl lah ngoăy tâm âk nău kan khlay tâm năm kan 2020-2025. Gia Lai ŭch, jă doanh nghiệp dak bah dih, tâm nĕ geh doanh nghiệp tât bah Nhật Bản ntuh kơl tâm ăp nău kan ta ntŭk.

Nuĭh rblang: Y Sưng Phê Ja