VOV4.M'nông: Rgum nchră đah nkô̆ "N'hao nău khlay kan bah nsum mpôl tâm trong ndrel mât njrăng tơm tui ka n'hanh quy định mpeh lơh joi tui ka mô geh nău way (IUU) ta nkual dak lêng meng kơh” tă bah Tổng cục Thủy sản kan nsum đah Hội Nghề ka Việt Nam n'hanh Bôk nău kan hun hao Liên hợp quốc, Prăk nkrem mât ntŭk gŭ rêh lam ntŭr neh- Bôk nău kan ntop kơl ăp trong nchrăp kan jê̆ ƀư ôi (9/6) ta n'gor Quảng Ngãi. Ta rơh rgum nchră, ăp nuĭh mât uănh, n'gâng kan ta ntŭk n'hanh nuĭh ƀon lan lơh joi ka ndrel nkoch nău tă ơm gĭt kan tĭng ƀư ndrel mât uănh tâm mât njrăng tơm tui kan n'hanh tĭng ƀư quy định mpeh lơh joi tui ka mô geh nău way ta nkual  dak lêng meng kơh. Tâm nê, ăp nsum mpôl geh nău khlay tâm nău mât njrăng tơm tui ka nkre đah nău kan groi nđôi njrăng n'gang lơh joi tui ka mô geh nău way. Lah ta rơh rgum nchră, wa Trần Đình Luân, Tổng Cục trưởng Tổng cục Thủy sản lah rjăp, nsum mpôl geh nău kan dŭt khlay tâm pah kan mât njrăng ntŭk gŭ rêh san hô lah êng n'hanh mât njrăng tơm tui ka meng dak lêng lah nsum./.

Nuĭh rblang: Điểu Thân