Ôi 28/6, ta Thủ đô Bắc Kinh, Thủ tướng Chính phủ Phạm Minh Chính râng Rgum nchră tâm boh ntuh kơl n’hanh tăch rgâl Việt Nam-Trung Quốc tă bah Hội đồng Ntrŭt ntrôl ngăch tăch rgâl dak bah dih Trung Quốc n’hanh Bộ Kế hoạch n’hanh Đầu tư Việt Nam ƀư. Lah ta rnôk rgum nchră, Thủ tướng Phạm Minh Chính lah rjăp, hĕ hŏ dơi djăt du đêt nău rgop jru, grêt dêh ngăn ngăn n’hanh dăn đă bah nuĭh ntơh măt doanh nghiệp, nuĭh ntuh kơl.

Lơn lah, hŏ dơi djăt Groi Thủ tướng Trung Hoa Lưu Quốc Trung lah, tâm nê n’gluh trong rƀŏng, trong nkra ntrŭt ntrôl tâm boh tăch rgâl, ntuh kơl đah bar dak. Thủ tướng đă ăp Bộ: Kế hoạch n’hanh Đầu tư, Công Thương n’hanh ăp nhih pah kan geh tât bah Việt Nam ndăn rgum djăt lĕ ăp nău rgop gay ra tay, ƀư lôch jêh nău way trong kan, pháp luật, rgâl uĕh ntŭk ntuh kơl tăch rgâl; nkre, dăn đă ăp nhih pah kan, ăp n’gâng kan dơi kan bar dak ndăn ra tay, ƀư lôch jêh ăp tŏng ăp trong tâm ton, trôm tâm boh gay nta trong dơh an doanh nghiệp lah nsum, tâm nê geh doanh nghiệp Trung Quốc.