Tâm rnôk khâl Cộng hòa Cuba, Kruanh Quốc hội Vương Đình Huệ nchrăp mbra geh nău ngơi ta Quốc hội Cuba di tâm nar 19/4, nar lơh dăng Giron (19/4/1961-19/4/2023) n’hanh lah Nar Quốc hội Cuba khóa 10 mbra ƀư rơh rƀŭn bôk năp jêh rơh săch têh ƀư nar 26/3 mhe rlău. Aơ lah du “nău ƀư têh” n’hanh “dŭt n’hâm khlay” yor nău aơ knŭng dơi geh yor nĕ lah tâm boh Cuba-Việt Nam n’hanh yor nău tâm boh “dŭt khlay” đah 2 dak.

Nchrăp tâm rơh khâl Cuba, kruanh Quốc hội 2 dak mbra ký ton mpeh ndâk njêng trong kan ndrel 2 nghị viện đah 2 Quốc hội gay n’hao nău tâm rgâl nău blău ơm kơt tâm ntop kơl ndrel ta ăp rơh rƀŭn nghị viện nkual n’hanh lam ntŭr neh; ndrel tâm rgop ntrôl groi nđôi ăp tâm ton kan ndrel đah 2 ding, tă bah nĕ ndơ̆ kan ndrel đah Việt Nam n’hanh Cuba nar lơ hăn ngăn ngên n’hanh săk rnglăy.