Ôi 28/8, rlău 1 rkeh kon se nti ăp gưl nti ta ăp n’gor Tây Bắc hŏ rgum plơ̆ tay nhih nti nchrăp an năm nti mhe 2023 -2024. Tâm nar kon se nti rgum plơ̆ tay nhih nti, âk n’gor tâm nkual kơt Sơn La, Yên Bái, Lai Châu... geh mih; yơn mô ir khuch hô tât nău rsong hăn bah ăp kon se nti.

Êng n’gor Sơn La, bôk mông, lam ăp nkuâl geh mih têh da dê, nău rsong hăn jêr jŏt, yơn đah nău ntop kơl bah ăp mpôl kan dơi kan, nar rgum tay nhih nti bah ăp kon se nti hôm dơh soih đŏng, tâm mông nar rhơn nđơr bah lĕ ma nai ntĭm n’hanh kon se nti. Lor rnôk ndrel đah kon se nti lam dak khai giảng năm nti tâm nar 5/9, kon se nti ăp nhih nti ta ăp n’gor Tây Bắc mbra geh 1 pơh gay tiăr nti trong dăp rgum rĭng uĕh, ăp grep, râng pôih kuaih nhih nti. Ăp nai ntĭm geh nău kan lah nuĭh ntĭm nti, trêng nău nđơr an ăp kon se nti gay ngăch bên di đah ntŭk ntĭm nti lôch nar rlu nti đŏng, nchrăp an du năm nti mhe ton geh âk nău dơi./.