Rmôt mât uănh ntŭk tăch n’gor Dak Lak mbra n’hao uănh nđôi ăp ntil ndơ dŏng bah năp tâm n’hanh jêh Tết.

Gay đăp mpăn rnoh khlay ndơ ntŭk tăch tâm rơh Tết Nguyên đán Quý Mão 2023, UBND n’gor Dak Lak lĕ an rlău 1.500 rmen prăk gay ntêm nkrem ndơ dŏng. Rmôt ndơ rgum đăp mpăn rơh dŭt năm 2022 n’hanh Tết Nguyên đán Quý Mão 2023, geh: ndơ ngêt sa (phe ngăn, phe ƀô kah nkra njêng tâm dak), biăp trau (poăch sŭr, poăch kik djăr, tăp kik, dak ngi, sĭk, bột ngọt n’hanh ăp ndơ sông sa nkret gâm, biăp bum), pring xăng.

Nar đăp mpăn rnoh khlay bah nar 30/11/2022 tât nar 30/2/2023. Aƀaơ lĕ geh 10 doanh nghiệp ta Dak Lak ndâk njêng trong nchrăp tŏng ndơ, ntêm nkre dŏng, pring xăng; tâm di nklăp 1/4 nău ŭch dŏng bah nuĭh ƀon lan. Rlău ma nĕ, âk ndơ dơi ntêm nkrem ta ăp ntŭk tăch, ăp chợ ta ntŭk tâm di nău ŭch dŏng bah nuĭh ƀon lan tâm rơh Tết.