VOV4.M’nông: Nar aơ lơ 5/9, rlau 23 rkeh kon se tâm lam dak ntơm lăp năm nti 2022-2023 đah nkô̆ nau “Tâm rnglăp, blau nau mhe, nsôih n’hâm ƀư ân ueh jêh ăp nau kan ndrel nkô̆ nau rgâl mhe, ƀư nâp ndrel ma n’hao ân nâp nâp lơn nau ntĭm ndrel nau nti”. Tĭng Kruanh n’gâng kan Nguyễn Kim sơn, năm nti 2022-2023 geh năl lah du năm geh nau tơm khlay ntrŭnh ƀư nau kan rgâl mhe nau kan ntĭm nti gưl phổ thông năm 2018.

Năm nti aơ, bôk nau kan ntĭm nti phổ thông rgum geh ntrŭnh ƀư đah jrâu 4, 7 ndrel 10 đah âk nau rgâl mhe. Ngăn lah, bôk nau kan ntĭm nti jrâu 7 mhe ân kon se nti jrâu 7 săch nti nau ngơi rnoi mpôl đê̆ mô lah nau ngơi dak ba dih 2. Nau aơ ân saơ nau mât, ƀư ân ueh nau ngơi ăp rnoi mpôl đê̆ geh uănh khlay tâm ăp ngih săm ƀŭt. Tât rnôk aơ, geh đê̆ ngăn 6 n’gor tâm lam dak ntrŭnh nau mô geh sŏk prăk bah kon se năm nti 2022-2023, geh: Cần Thơ, Đà Nẵng, Hải Phòng, Bà Rịa Vũng Tàu, Bắc Kạn, Quảng Ninh./.

Nŭih rblang: H’Thi