Ndrel đah âk n’gor lam dak, tâm ôi nar 25/2 tât, ăp druh ndăm ta n’gor Dak Lak dơi sơch lăp hăn ƀư tahen rơh dja.  

Tât rnôk dja, ăp  nău nchrăp  njŭn-  dơn tahen hŏ dơi ăp n’gor, ăp đơn vị nchrăp lôch jêh lam lĕ rngôch; ăp nuĭh lăp  tahen  hŏ nchrăp  nuih n’hâm  an nar rgum njŭn hăn tahen. Tâm rơh sơch lăp hăn ƀư  tahen năm 2024, ta Dak Lak geh 2.553 nuĭh dơi sơch lăp ƀư tahen. Lĕ rngôch geh n’hâm suan ngăch dăng, đăp mpăn rhŏ dŏng kan an  tahen. Tâm rnoh dja, geh 3 bu druh, 4 nuĭh lah đảng viên, 120 nuĭh geh trình độ đại học, cao đẳng, n’hanh trung cấp. Âk druh ndăm hŏ nchih êng siƀŭt dăn lăp  hăn ƀư tahen. Tâm  bah ri aơ, Hội đồng nghĩa vụ quân sự ăp nkuâl hŏ ôp khâl, pă nklâm ndơ, joi gĭt, rƀah  nău lư, nău ŭch rŏng ăp druh ndăm lor rnôk hăn lăp ƀư tahen./.