Kơp tât nar 30/4/2023, Ban Tổ chức nkhôm rnê báo chí lam dak mpeh Quốc hội n’hanh Hội đồng nhân dân (nkhôm rnê Diên hồng) hŏ dơn geh rlău 3 rbăn nău nchih râng tâm rlong. Tĭng trong nchrăp, Lễ nkhôm rnê Diên hồng mbra dơi ƀư tâm nar 9/6 ta Cung Văn hóa hữu nghị Việt Xô. Aơ lah nău lư dŭt khlay ta rơh hop bôk năp bah Hội đồng chấm Giải Diên hồng dơi ƀư kêng dŭt măng aơ ta Jay Quốc hội. 

Aơ lah tâm rlong nkhôm rnê báo chí têh mpeh đề tài nhih pah kan ƀon lan sơch an, geh nkô̆ khlay mha êng n’hanh dơn geh nău uănh khlay têh bah kruanh rđău kan Quốc hội. Ndơ nkhôm rnê wăch rgum nău tât râng bah âk mpưm nhih pah kan báo chí, rmôt ăp nuĭh ƀư báo. Kơp ntơm bah rnôk rgŏ jă tât lĕ nar 30/4, Ban Tổ chức hŏ dơn geh rlău 3.000 nău nchih râng tâm rlong. Ăp nău nchih hŏ ngăch tâm pă rmôt, tâm pă ntil gay rhŏ dŏng pah kan chấm nău tâm rlong. Đah ăp nuĭh tơm nchih, nău geh nchih geh ndơ nkhôm rnê, Văn phòng Quốc hội mbra pă an prăk nkhôm, siƀŭt kơp dơn ndơ nkhôm rnê nkre ndơ ntĭt an nkhôm rnê, pă an prăk nkhôm n’hanh Bằng khen đah nhih pah kan báo chí geh ndơ nkhôm rnê./.