VOV4.M’nông –  Nar 12/5, N’gâng kan Lao động, Thương binh n’hanh Xã hội tâm rgop đah N’gor Đoàn Kon Tum ƀư “Nar kan pah 2022” an nuĭh pah kan ta ntŭk. Lĕ geh rlău 750 nuĭh, sinh viên, tahen nchrăp sĭt ƀư tahen, đoàn viên druh ndăm râng. Tâm rnoh aơ geh 570 nuĭh pah kan dơi ăp ntŭk kan săch mbơh ntĭm, na nê̆ n’hanh rnoh pah kan dơi săch dŏng geh bơi 20%.

Mbơh ntĭm, nkoch nău kan an nuĭh pah kan tâm Nar joi nău kan.

Tâm nar, Mpôl rdâk ƀư ndơ̆ bơi 60 nuĭh pah kan hăn kan ta n’gor Bình Dương. Rlău ma nĕ, geh 8 nuĭh pah kan tâm di nău ŭch săch ta ntŭk kan Đài Loan. Tâm nar pah kan, geh 49 doanh nghiệp, ntŭk kan dăn ŭch dŏng rlău 5.200 ntŭk pah kan tâm n’gor, bah dih n’gor n’hanh hăn pah kan ta dak bah dih tĭng tâm ton. Bah meng nĕ, 2 ngih sam ƀŭt Cao đẳng, ntŭk ntĭm nti geh nău ŭch săch ntĭm nti năm 2022-2023 đah rlău 3.000 nuĭh.

Nŭih blang: Y Sưng Phê Ja