VOV4.M’nông – Nuh srê bôl khuch mô uĕh tât ntŭk pah kan, yơn jêh Tết ntơm plơ̆ pah kan tay ntŭk kan di nar. Rgum lĕ ta lam dak an saơ, geh tât rlău 90% phung pah kan, nuĭh kan ta lam dak lĕ plơ̆ pah kan jêh Tết. Âk doanh nghiệp lĕ plơ̆ tay pah kan, ntơm năm mhe bah nar 5 Tết. Rnoh ƀa ƀă, ntơm năm mhe tâm nar 7 n’hanh nar 8 Tết. Ta n’gor Bình Dương, ăp doanh nghiệp lĕ wơt phung pah kan plơ̆ tay pah kan bah nar 7, nar 8 Tết. Tĭng nĕ, rnoh nuĭh pah kan plơ̆ tay pah kan jêh Tết di nar bah doanh nghiệp dŭt âk, geh bah 80 tât 90%. Ta ăp ntŭk geh nkual công nghiệp têh kơt: Đồng Nai, nkual ƀon têh Hồ Chí Minh, rnoh phung pah kan plơ̆ tay kan geh rlău 90%. Ta Hà Nội, tĭng rgum lĕ bah Liên đoàn Lao động nkual ƀon têh: Kơp tât nar 7/2, rlău 90% rnoh doanh nghiệp lĕ pơk ngih gay nkra njêng đah rlău 96% rnoh phung pah kan plơ̆ pah kan.

Nŭih blang: Y Sưng Phê Ja