Nău ntuh kơl rdâk njêng trong Hồ Chí Minh ntŭk trong der mpeh luh nar nkuăl ƀon têh Buôn Ma Thuột, n’gor Dak Lak geh lĕ rnoh ntuh kơl rlău 1.500 rmen prăk, hăn rlet ta ăp nkual Cư M’gar, Cư Kuin, Krông Păck n’hanh nkuăl ƀon têh Buôn Ma Thuột.

Tâm rnôk ƀư nău nchrăp kan bâh năm 2020 tât lĕ năm 2023. Nău nchrăp kan geh nău kan têh nău ƀư trong kan gâl 2, lĕ rnoh jong bơi tât 40km, nău an ngăch hăn 80km/h. Tât aƀaơ nău nchrăp kan mhe geh pă jao nău kan geh klâp ma 60%, yơn lĕ prăk gay ma ntrơn ntŭk gŭ an ƀon lan n’hanh tĭng rnoh ntoh luh geh tay 332 rmen prăk gay ma ƀư lôch nău kan aơ. Lah nău nchrăp kan hôm nha ƀư mbrơi, mô dơi lôch tĭng di năm nchrăp lah ta dŭt năm 2023, n’gâng kan mât uănh ntung trong dăn đă Bí thư n’gor Ủy n’hanh kruanh UBND n’gor Dak Lak uănh n’hêl geh nău kan tơm khlăy tâm nău uănh năl nău dơn kan bâh nuĭh dâk bôk năp đah rnâng kan mât uănh nău kan nuĭh tơm ntuh kơl rdâk njêng nău hăn trong n’hanh tuch tăm hun hao nkual ƀon lan ta Dak Lăk (ntŭk tơm ntuh kơl).