VOV4.M’nông – Ta ngih Quốc hội, Kruanh Quốc hội Vương Đình Huệ ƀư tơm nar pah kan đah rnâng kan Ủy ban ban Kinh tế bah Quốc hội an rgop mpeh nău mbơh groi nđôi 5 năm ƀư tĭng Nghị quyết 31/2016 bah Quốc hội mpeh rlu ƀư tĭng nău ntrŭnh ntuh kơl nău nchrăp ƀư điện hạt nhân Ninh Thuận. Ta nar pah kan, jêh rnôk djăt ăp nău rgop tâm nchră, Kruanh Quốc hội Vương Đình Huệ mĭn lah nău rlu nchrăp ƀư điện Ninh Thuận lah du nău ntrŭnh, trong mkra di bah Trung ương n’hanh đă, Ủy ban Kinh tế bah Quốc hội djăt nău rgop ta rơh rƀŭn, tâm rgop đah ăp n’gâng kan, nău kan n’hanh n’gor Ninh Thuận jêh nău mbơh groi nđôi jêh 5 năm ƀư tĭng Nghị quyết mrô 31 bah Quốc hội, uănh mĭn tay, uănh lah ăp săk rnglăy dơi geh n’hanh hôm e nkân, hôm e đêt, ngăn lah đah nău trơn ƀon lan, ntŭk gŭ mhe, dăp rgum, tâm pă neh ntu an tuch tăm jêh rnôk rlu mbơh ƀư nău nchrăp ƀư điện hạt nhân, dăn đă đah Quốc hội, Chính phủ gay rơih jăng, nta nơih an n’gor Ninh Thuận hun hao ngăch tay, nâp nâl lơn tay.

Nŭih blang: Y Sưng Phê Ja