Tâm thôn 4, xã n’har bri Dak Buk So, nkuăl Tuy Đức, n’gor Dak Nông geh rluh neh, đang neh, nkri tât 21 rnăk ƀon lan. N’gâng kan nkual, rmôt kan dôl ma ntrơn ƀon lan ndal. Tĭng nau mbơh tă bah UBND nkuăl Tuy Đức, ôi lơ 6/8, tâm Thôn 4, xã Dak Buk So ntoh âk ntŭk chah đang neh đah rnoh hvi nklăp 5cm, tât 80cm, jong nklăp 110m. Ntŭk chah đang êp nkual ƀon lan gŭ, khuch ngăn tât ngih bah 21 rnăk ƀon lan. Tâm nê, hŏ geh 2 rnăk geh ngih ŭnh, ngih ăch ba kơi hŏ rlâm ngăn. 19 rnăk hôm ntoh âk ntŭk chah đang tâm mpir ngih ndrel neh ngih.

N’gâng kan ndrel rmôt kan n’gâng kan nkuăl Tuy Đức hŏ kơp, mbơh, nchră, rgum rnoh nau khuch, pâng n’gâng nkah mbơh tâm nkuăl geh rluh neh. Nkre lah đă rmôt kan ntrơn leo lơi ăp nŭih ƀon lan ndal bah ntŭk geh nau khuch khat. Kơt ri, tâm rnôk aơ, tâm nkuăl Tuy Đức, lĕ 2 xã n’har bri lah Dak Buk So ndrel Quảng Trực ntoh âk ntŭk rluh neh, chah đang tâm rnoh khuch khat hô, nkri tât nau rêh, dăp ndơ bah bơi tât 100 rnăk ƀon lan./.