VOV4.M’nông: Kêng măng 12/1, Rmôt hăn kan bah Kiểm toán Ngih dak yor wa Trần Sỹ Thanh, Uỷ viên Rnâng kan Rđau kan Đảng, Tổng kiểm toán Ngih dak ƀư tơm rđau kan hŏ geh nar pah kan đah rđau kan n’gor Dak Lak mpeh nau ƀư nau nchrăp lôch nau kan kiểm toán bah nkuăl. Mbơh nau đah rmôt hăn kan, Bí thư n’gor uỷ Dak Lak Nguyễn Đình Trung hŏ mbơh du đê̆ nau tă geh dơi ƀư bah n’gor tâm rơh rlau aơ, tâm nê, ăp gưl, ăp ntŭk kan hŏ ntrŭnh ƀư rjăp nau rđau bah Trung ương Đảng, Chính phủ.

Thủ tướng Chính phủ, ƀư “nkô̆ nau 2 ntil kan” nkre rgum hun hao tuch tăm, tăch rgâl, nkre đăp mpăn nau rêh jêng nkre nsôih ân geh săk tam nau kan njrăng rdâng đah srê Covid-19. Ntoh nau tâm nar pah kan, wa Trần Sỹ Thanh kơp dơn ndrel rnê ngăn ăp nau tă dơi geh ma n’gor Dak Lak hŏ tă dơi geh tâm năm rlau aơ, ngăn lah tâm ăp nau kan rgum nau ntuh kơl ndrel kơl an ntŭk kan tăch rgâl. Ngăn lah, Dak Lak ân geh rgum rklaih ân ngăch, rjăp ăp nau hôm kol tâm nau mbơh kiểm toán mpeh tơm prăk bah n’gor ntơm năm 2012 sĭt bah năp ma Kiểm toán ngih dak hŏ uănh nchră./.

Nŭih rblang: H’Thi