VOV4.M’nông: Ôi lơ 18/5, rmôt hăn mêt uănh bah Uỷ ban Pháp luật bah Quốc hội gưl XV yor wa Nguyễn Trường Giang, Groi Kruanh Uỷ ban pháp luật ƀư tơm hŏ geh nar pah kan đah n’gor Dak Lak mpeh nau ƀư nau ntrŭnh bah pháp luật mpeh nau dơi, nau ntop tay nau kan mât kan ndrel mât nau kan viên chức tĭng nau dơi kan. Kơp tât lôch lơ 31/12/2021 rnoh viên chức lam n’gor rlau 37 rbăn nŭih, tâm nê nŭih rnoi mpôl đê̆ geh 12,5%.

Tâm nar pah kan, rđau kan n’gor Dak Lak ntoh du đê̆ nau jêr ndrel đă: Nau kan ntop tay nŭih mât kan, ngăn lah tâm ăp mrôt ƀư nau kan ntĭm nti, dak si hôm jêr, yor dôl geh nau tâm rkăng mpeh nau ntrŭnh ntĭm nti tâm nau rđau kan, mât nau kan tĭng nau dôl pah kan. Rnê prêh nau ƀư nau ntrŭnh bah pháp luật mpeh nau dơi, nau geh ntop kan, nau mât nŭih kan viên chức bah n’gor, Groi Kruanh Uỷ ban pháp luật bah Quốc hội Nguyễn Trường Giang mbơh, rmôt kan mra rgum ăp nau đă, nau mbơh bah n’gor mbơh Uỷ ban pháp luuật bah Quốc hội uănh, rgop nau gay geh ăp nau đă, nau rgâl ân tâm di đah nau dôl geh ngăn./.

Nŭih rblang: H’Thi