VOV4.M’nông: Lơ 20/5, Rmôt ntoh măt Quốc hội n’gor Dak Lak ƀư rƀŭn sŏk nau rgop tâm ăp nau nchrăp Luật mra geh Quốc hội ndơ̆ luh uănh tâm rơh rƀŭn tal 3, Quốc hội gưl 15 tât aơ. Ăp nau nchrăp geh rmôt kan ntoh măt Quốc hội n’gor Dak Lak sŏk nau rgop geh: Luật thanh tra (rgâl nkra), Luật ƀư nau kan ƀon lan ƀư tơm tâm dâng, Luật dak pring (rgâl nkra), Luật njrăng rdâng nau tâm lơh tâm rnăk vâl, Luật khám săm ji (rgâl nkra) ndrel Luật rgâl ntop tay du đê̆ điều bah Luật tần số vô tuyến điện.

Rgop nau đah nau nchrăp ƀư ƀon lan ƀư tơm tâm dâng, ăp ntpj măt đă ân geh ndâk nau kan ndrel nau ntrŭnh, ntĭm mbơh kloh mpeh nau rklaih hành chính đah nau tih luật ntrŭnh bah pháp luật mpeh nau ƀư ƀon lan ƀư tơm tâm dâng, ân geh ntrŭnh dŏng ăp mpeh kloh tâm ban, nau kan ƀon lan mêt uănh n’gâng kan gưl xã mpeh nau ƀư ƀon lan gưl xã, phường, nkuăl têh. Ngăn lah, ân geh ntrŭnh ueh lơn mpeh nau dơi, nau kan bah Ban Thanh tra ƀon lan tâm ntŭk kan gay ma đăp mpăn nau kan mêt uănh bah nŭih pah kan đah nŭih dŏng nŭih pah kan./.

Nŭih rblang: H’Thi