Kêng măng 16/8, Rmôt tahen ơm n’gor Dak Lak ƀư rƀŭn lôch 20 năm ƀư nau ntrŭnh bah Bộ chính trị mpeh “N’hao nau rđau kan bah Đảng đah nau kan tahen ơm Việt Nam tâm rnôk cách mạng mhe”. Rmôt tahen ơm n’gor Dak Lak rnôk aơ geh rlau 50.700 nŭih, râng rƀŭn tâm 261 ntŭk kan tâm dâng. Tâm 20 năm ƀư nau ntrŭnh mrô 09 năm 2002 bah Bộ chính trị, ăp tahen ơm Dak Lak mro ntoh n’hao nuih n’hâm, nau dăng “Tahen Wa Hồ” tâm nau ndâk mât Đảng, n’gâng kan, nsôih rgop nau tâm nau kan njrăng rdâng sa khâm.

Nau kan tahen ơm leo trong lor geh mât ndrel ƀư rêng hvi, bah nê saơ ndrel pơk hvi lơn tay ăp nŭih geh nau ang tâm nau kan tahen leo trong, ntoh lư. Rmôt tahen ơm Dak Lak hŏ rgum geh 138 rmen gay jut lơi ngih truh sat, kơl an kon ntil, pơk nkra săm ƀŭt têm nkrem, kơl an nŭih geh nau rêh jêr jŏt. Ntoh nau tâm nar rƀŭn, wa Y Biêr Niê, Groi Bí thư n’gor uỷ Dak Lak mbơh, rơh tât, tahen ơm tâm n’gor ân ƀư ueh nau kan ndrel nau vay ơm bah “Tahen Wa Hồ”, ntĭm nti nau vay ơm, nau mĭn cách mạng ân rơh mom./.