Rƀŏng tât kônh wa tâm nkuăl geh phŭt dak lip lơh, rnăk vâl Hoa hậu H’Hen Niê tâm n’gor Dak Lak hŏ kơl an dĭng lĕ rnoh phe ma rnăk vâl geh gay ma njoăl tât ăp n’gor mpeh Bắc. Jêh rnôk gĭt nau geh “bôk ndeh rdeng ndơ dơm”, tâm Dak Lak dôl ndơn ndoh ndơ gay ma njoăl ân nŭih ƀon lan dôl geh khuch bah phŭt mrô 3, Hoa hậu Hoàn vũ Việt Nam 2017 H’Hen Niê ndrel rnăk vâl hŏ leo lĕư rnoh phe mhe rek tâm rơh rlau aơ gay ma njoăl ân kônh wa khuch phŭt dak lip.

Rlau 7 tạ ba geh kĭn, tâl tâm ƀao jê̆ 5kg ndrel njoăl hăn ăp n’gor mpeh Bắc tâm măng 10/9. Hoa hậu H’Hen Niê mbơh yor dôl geh hăn kan tâm Ninh Thuận ri ma mô geh râng hăn kơl an nau kan tâm Dak Lak. Yuh rhơn ngăn rnôk saơ ăp băl mpôl ndrel ƀon lan êp nơm ndrel nsum ty kơl an tâl dŭng, rdeng phe ntơm bah ngih tâm nkuăl Cư M’gar hăn tât nkuăl ƀon têh Buôn Ma Thuột năn. Bah năp nê, Hoa hậu H’Hen Niê kŏ kơl an 100 rkeh tâm tài khoản bah Rnâng kan kơl an Trung ương MTTQ Việt Nam gay ma kơl an kônh wa nkuăl dak lip./.