Nar 9/11, ta Hà Nội ƀư nkah gĭt 75 năm Nar way ơm Đảng Khối ăp ngih pah kan Trung ương. Ndơn măt kruanh Đảng, Ngih dak, đồng chí Trương Thị Mai-Rnâng kan Ban Bí thư mbah rhơn ăp nău geh Đảng bộ Khối dơi geh tâm 75 năm bah năp. Nkre đă, năm tât Đảng bộ Khối an n’hao nău wât, lĕ nău kan bah gưl ủy, cán bộ, đảng viên mpeh ntŭk kan, nău ƀư, gưl kan, nău kan chính trị bah Đảng Khối đah nău kan chính trị bah tĭng gưl ủy, đảng bộ, chi bộ, cán bộ n’hanh đảng viên.

Ndrel đah nĕ, uănh khlay mbơh ƀư rjăp, ntrong leo lor, geh săk rnglăy ăp sam ƀŭt, nghị quyết khlay bah Đảng tâm năm kan 13 kơt N’glôn jêh mrô 21-mpeh ntrôl dăng ndâk njêng, rgâl ntrôl Đảng n’hanh trong chính trị; dŭt n’hâm nking n’gang, ntrôl rŭch, rmal rjăp cán bộ, đảng viên hŭch roh nău mĭn chính trị,nău rêh, ntoh nău “ndra ƀư êng”, “ndra rgâl êng”.