VOV4.M’nông: Tâm 2 nar lơ 2 ndrel 3/8, tâm rơh khâl ndrel pah kan ta Hàn Quốc, Rnâng kan Ban bí thư Võ Văn Thưởng ndrel rmôt kan ntoh măt gưl prêh Đảng Cộng sản Việt Nam hŏ geh ka nau kan tâm rgâl, tâm mâp đah ăp n’gâng kan bah Hàn Quốc, tâm nê geh rơh tâm nchră đah Kruanh Quốc hội Hàn Quốc Kim Jin Pyo, Rnâng kan rđau kan Đảng mât bôk geh n’hâm dăng ƀon lan ta Quốc hội, Rơh rƀŭn tâm boh Hàn-Việt, rơh tâm nchră tâm n’ur văng sa-văn hoá Hàn-Việt, Rmôt ăp nŭih Hàn Quốc ŭch rŏng Việt Nam. Tâm nar tâm nchră đah Kruanh Quốc hội Kim Jin Pyo ndrel ăp n’gâng kan, ntŭk kan bah Hàn Quốc, Wa Võ Văn Thưởng lah rjăp nau ntrŭnh n’hao nau tâm boh đah Hàn Quốc hŏ geh Tổng Bí thư Nguyễn Phú Trọng ntoh tâm nar tâm nchră trực tuyến đah Tổng thống Hàn Quốc Yoon Suk Yoel, đă Kruanh Quốc hội Kim Jin Pyo kơl an 2 ding lŏ n’hao nau tâm boh chính trị bah nau tâm nchră ăp gưl, n’hao nau tâm boh văng sa, tăch rgâl ndrel ntuh kơl./.

Nŭih rblang: H’Thi