VOV4.M’nông: Ndơn nau jă bah Chính phủ Hàn Quốc, Rnâng kan Ban Bí thư Võ Văn Thưởng hŏ leo bôk rmôt kan ntoh măt gưl prêh bah Đảng he hăn khâl Hàn Quốc tât lơ 4/8/2022. Nkô̆ nau bah rơh khâl gay ntrŭnh nau kan tâm nchră đah dak ba dih êng, ƀư tơm, đăp mpăn, tâm boh ndrel hun hao, âk ding nau kan, âk ntil nau tâm boh kan nsum đah dak ba dih, tâm nê uănh gay nau ntrŭt dăng ndrel ƀư jru nâp lơn nau tâm boh kan nsum bar ding đah ăp dak, ngăn lah Hàn Quốc lah dak kan nsum khlay ngăn bah Việt Nam. Nchrăp tâm rơh khâl wa Võ Văn Thưởng tât mbah Thủ tướng Hàn Quốc, mâp Kruanh Đảng n’hâm dăng ƀon lan, mâp ntoh măt rđau kan Đảng Dân chủ hăn nsum, vơt Kruanh rmôt tâm boh Hàn Quốc-Việt Nam, vơt Kruanh rmôt ăp nŭih Hàn Quốc geh bu rnơm, vơt Kruanh rmôt ăp nŭih Hàn Quốc ŭch rŏng Việt Nam, khâl ntŭk kan ntoh măt Việt Nam tâm Hàn Quốc./.

Nŭih rblang: H’Thi