VOV4.M’nông: Ôi lơ 15/6, Rnâng kan Ban Bí thư Võ Văn Thưởng geh nar pah kan đah rđau kan tơm bah Học viện chính trị quốc gia Hồ Chí Minh. Tâm nar pah kan, Học viện chính trị Quốc gia Hồ Chí Minh đă Rnâng kan Bí thư Trung ương Đảng uănh nau ân ƀư Bôk nau kan ntĭm nti lý luận chính trị gưl đại học, nau ntĭm nti giảng viên lý luận chính trị gay tŏng dơi nau ŭch ndrel jŏ jong bah cán bộ, nai ntĭm bah ntrong kan Học viện, ăp ngih săm ƀŭt chính trị n’gor, nkuăl ƀon têh. Nau ntrŭnh sinh viên ntĭm nti chuyên ngành giảng viên lý luận chính trị geh sa prăk tŏng học viên ăp ngih săm ƀŭt sỹ quan tahen, công an. Wa Võ Văn Thưởng đă lŏ ndâk Học viện Chính trị Quốc gia Hồ Chí Minh jêng ntŭk kan mĭn njêng lý luận neh dak. Tâm nê nkah nau kan ntĭm nti rmôt cán bộ tâm N’gâng kan chính trị, Rnâng kan Bí thư mât, ndâk njêng, hun hao ngih săm ƀŭt Đảng ăp ntil, geh tâm di đah ngih săm ƀŭt moh săk Kruanh Hồ Chí Minh têh dăng ndrel lah ntŭk gay ma ntĭm nti mĭn rvê têh ngăn bah Đảng./.

Nŭih rblang: H’Thi