VOV4.M’nông: Lơ 12/1, Uỷ viên Bộ chính trị, Rnâng kan Ban Bí thư Võ Văn Thưởng hŏ khâl, pă nklâm ndơ tết năm mhe Nhâm Dần ân rnăk vâl geh dơi kơl, geh n’hâm đah neh dak tâm n’gor Bắc Kạn. Tâm nkuăl Chợ Đồn, Uỷ viên Bộ chính trị, Rnâng kan Ban Bí thư Võ Văn Thưởng hŏ tât ôp khâl, pă nklâm ndơ ân rnăk wa Triệu Văn Vấn-cán bộ tơm leo trong, năm aơ hŏ 97 năm, tâm thôn Nà Tẳng, xã Lương Bằng ndrel pă 200 nklâm ndơ ân nŭih geh n’hâm ma cách mạng, rnăk geh n’hâm tâm nkuăl Chợ Đồn.

Pah kan đah Rnâng Ban Bí thư Võ Văn Thưởng hŏ rnê prêh ngăn ăp nau tă geh ma Bắc Kạn tă dơi tâm ăp nau kan văng sa, rêh jêng, n’huch ach o, mât chăm nau rêh ƀon lan kŏ kơt lah tâm nau kan ndâk njêng Đảng tâm rơh rlau aơ nkre đă Bắc Kạn lŏ ƀư ueh nau dơi geh jêng, nau dăng ơm geh tâm nau hun hao văng sa, rêh jêng./.

Nŭih rblang: H’Thi