VOV4.M’nông: Ôi lơ 13/1, ta Hà Nội, Rnâng kan bonh đă Trung ương ƀư rơh rƀŭn nchră trực tuyến lam dak lôch nau kan bonh đă ndrel rnê prêh nau tă geh dơi ƀư bah năm “Ntrŭt dăng nau ƀư nau kan ƀon lan ƀư tơm tâm dâng” năm 2021, ntrŭnh nau kan năm 2022. Uỷ viên Bộ Chính trị, rnâng kan Ban bí thư Võ Văn Thưởng râng ndrel rđau nar rƀŭn. Ntoh nau tâm nar rđau, wa Võ Văn Thưởng đă ntŭk kan bonh đă ân geh nchrăp gĭt, nkoch mbơh ân năn nau mĭn, nau ŭch bah ƀon lan ân gưl uỷ, n’gâng kan uănh, rklaih, ngăn lah ăp nau kan geh tât nau rêh, nau kan, nau geh jêng bah ƀon lan. Nkre ân geh ndơn saơ ueh ngăn, tŏng lơn nau mĭn “Ƀon lah lah tơm”, ƀư tĭng n’hâm dăng bah ƀon lan, n’hâm dăng tâm rnglăp lam rnoi mpôl. Ntrŭt dăng nau kan tâm rlong “Bonh đă blau” bah lam ntrong kan chính trị, ndrel ma nau rgŏ jă, nau kan tâm rlong rŏng dak tâm ăp nau kan, đăp mpăn ân ngăn, săk tam./.

Nŭih rblang: H’Thi