VOV4.Mnông. Ôi nar 11/1, ta Hà Nội, rnâng kan nchră nău đah dak bah dih Trung ương ƀư rơh rƀŭn nchră nglôch lôch nău kan năm 2021 n’hanh mbơh tơih ntrong kan, nău kan năm 2022. Tâm năm mhe nơh, bol ma geh âk nău jêr tâm ntrong kan mbơh tơih ăp nău kan nchră nău đah dak bah dih, yơn lah rnâng kan nchră nău đah dak bah dih Trung ương lĕ ƀư lôch ueh ăp ntrong kan tĭng nău dơi kan, ntrong kan bâh nơm. Năm 2022, rnâng kan nchră nău đah dak bah dih Trung ương uănh năl nău kan chính trị lah nău kan an lor lah ƀư tĭng bôk nău kan mbơh tơih nău nchŏng 32 lvang năm 2021-2025 lĕ geh Ban bí thư an dŏng, nău nchŏng kan bâh Ban Bí thư mpeh nău kan nchră nău đah dak bah dih ƀon lan gay ma n’hao an săk rnglăy bâh bar n’gâng kan tơm lah nchră nău đah dak bah dih Đảng n’hanh nchră nău đah ƀon lan. Rnâng kan mbra geh n’hao tay lơn nău kan tơm khlăy ta ntrong ôp rdâk njêng ăp bôk nău kan tâm nchră đah dak bah dih bâh nuĭh leo kan tơm khlăy, nuĭh leo kan gâl Trung ương Đảng tâm nău mbơh tơih nău, uănh năl nău nchrăp pah kan nchră nău đah dak bah dih geh nchrăp an lor bôk năp lĕ rngôch ntrong kan, geh nău kan tơm khlăy na nê̆.

Nuĭh rblang: Thị Đoắt