Ƀư tay rơh rƀŭn nchră bôk nău kan pháp luật khay 4, nar aơ 14/4, Ủy ban rnâng kan Quốc hội an tâm rgop mpeh nău ntrŭnh ntuh kơl ƀư trong hăn let ăp nkual, ăp n’gor Khánh Hòa, Ninh Thuận n’hanh Lâm Đồng.

Nău kan ƀư trong geh rnoh neh dŏng lĕ dĭng lĕ klâp ma 129 ha, tâm nĕ, neh bri an geh rgâl dŏng lah 75ha, lĕ nău jong 57km, Ntŭk tâm nthoi mâp đah Quốc lộ 27C n’gor Lâm Đồng, ntŭk dŭt lah n’har đah n’gor Khánh Hòa n’hanh n’gor Ninh Thuận. Lĕ rnoh ntuh ƀư bôk năp klâp ma 1 rbăn 929 rmen prăk. Nău nchrăp ƀư lĕ trong hăn ta năm 2027. Kruanh Quốc hội Vương Đình Huệ lah na nê̆: nău nchrăp kan dŭt khlăy, ntop hun hao trong hăn bâh nkual yôk mpeh nhâp nar n’gor Khánh Hòa geh 2 nkuăl Khánh Sơn n’hanh Khánh Vĩnh. Nkre lah, an mbluh trong đah ăp nkual gôl yôk bâh ăp n’gor Ninh Thuận, Lâm Đồng, ntrôl an hun hao wăng sa- rêh jêng, n’hao nău mât rnă njrăng ngih dak đăp mpăn.