Kêng măng 14/8, Rmôt hăn kan bah Rnâng kan rđau kan neh dak mpeh nau njrăng, rdâng trôk nar lơh yor wa Hoàng Công Thuỷ-Groi Kruanh Uỷ ban Trung ương Mặt trận Tổ quốc Việt Nam, nŭih kan bah Rnâng kan rđau kan neh dak mpeh nau njrăng, rdâng trôk nar lơh ƀư Kruanh rmôt, geh nar pah kan mpeh nau njrăng, rdâng trôk nar lơh, joi kơl nŭih mâp rmanh tâm n’gor Hậu Giang. Tâm nar pah kan, rđau kan UBND n’gor Hậu giang đă rmôt hăn kan bah rnâng kan rđau kan neh dak mpeh nau njrăng, rdâng trôk nar lơh uănh nau mbơh:

Thủ tướng Chính phủ kơl an n’gor ndâk du đê̆ ntŭk kan, nau kan ndal mpeh nau kan njrăng, rdâng trôk nar lơh ndrle ntrơn nŭih ta ưbah nkuăl khuch yor rluh neh tât ntŭk gŭ đăp mpăn. Ntoh nau tâm nar pah kan, wa Hoàng Công Thuỷ đă n’gâng kan n’gor Hậu giang lŏ ƀư ueh nau kan nkoch mbơh n’hao nau ƀư nau gĭt ân ƀon lan mpeh nau khuch bah trôk nar lơh, tă bah nê geh nau nchrăp ndrel ma n’gâng kan tâm nau rdâng ân geh săk tam./.