VOV4.M’nông: Ôi 30/5, Rmôt hăn mêt uănh mrô 4 bah Rnâng kan rđau kan Trung ương mpeh nau njrăng, rdâng nau sa khâm, nau tih geh nar pah kan đah Rnâng kan n’gor uỷ Gia Lai. Mbơh đah rmôt kan, wa Rah Lah Chung-Groi Bí thư n’gor uỷ, Kruanh Ban Nội chính n’gor uỷ Gia Lai mbơh, ntơm lơ 16/5/2012, rnôk Ban Nội chính n’gor uỷ Gia Lai geh ndâk, nau kan njrăng, rdâng sa khâm, nau ƀư tih tâm n’gor geh ăp nhoat ntrŭt dăng, geh dơi nau kan khlay.

Bah nê, ƀư mhal 2 nŭih đảng viên, sŏk nsĭt lơi rlau 1,3 rmen prăk tă tih, ndơ̆ nsĭt ân ngih dak, ƀư nau mêt uănh nkô̆ nau rlau 670 tơ̆ nŭih đah ăp ntŭk kan đảng ndrel rlau 1.500 tơ̆ đảng viên, mêt uănh rnôk geh nau tih đah 3 đảng viên. Tâm nar pah kan, rmôt kan mrô 4 rnâng kan rđau kan Trung ương mpeh nau njrăng, rdâng sa khâm hŏ mbơh nau ntrŭnh đah ăp nau kan n’gor hŏ mbơh. Nchrăp nar mêt uănh ntơm lơ 6/6 tât lơ 9/6/2022./.

Nŭih rblang: H’Thi