VOV4.M’nông: Kêng măng 25/5, ta Hà Nội, Rmôt hăn kan mrô 5 bah Rnâng kan rđau kan Trung ương mpeh nau njrăng, rdâng sa khâm, nau tih mô ueh yor wa Nguyễn Hoà BÌnh, Uỷ viên Rnâng kan rđau kan ƀư kruanh rmôt hŏ geh nar pah kan đah Rnâng kan Đảng N’gâng kan tuch tăm ndrel hun hao ƀon lan, tĭng nau nchrăp mrô 18 bah Rnâng kan rđau kan. Ntoh nau tâm nar pah kan.

Wa Nguyễn Hoà Bình đă Rnâng kan Đảng N’gâng kan tuch tăm ndrel hun hao ƀon lan nchrăp săm ƀŭt, nkô̆ nau mbơh, nkoch nau tĭng nau đă bah rmôt kan. Bah nau mêt uănh mra dơi nchrăp luh ăp nau dơi, nau ê dơi gay ma mbơh rklaih nau, phong dôih ăp nau tih tâm nau kan bah N’gâng kan tuch tăm ndrel hun hao ƀon lan tă bah nê đă, mbơh ân N’gâng kan chính trị, Rnâng kan rđau kan ăp ntrong kan gay ma rklaih nsum tâm lam dak tâm rơh tât./.

Nŭih rblang: H’Thi