VOV4.M’nông: Măng 21/3, ta Hà Nội, Trung ương rmôt Druh ndăm Cộng sản Hồ Chí Minh, Trung ương rmôt druh ndăm Việt Nam, Trung ương rmôt nŭih nai dak si mom Việt Nam tâm rgop nsum ma N’gâng kan dak si mra ƀư nau rnê nkhôm 10 nŭih nai dak si mom Việt Nam ntoh lư đah nkô̆ “Nai dak si mom tâm nau njrăng rdâng srê Covid-19”. Ăp nŭih nai dak si geh rnê tâm rnôk aơ lah 10 nŭih nai dak si mom mô rlau 40 năm, gơih nsôih ma nau kan, kơl an nŭih ji kuet, geh nau blau, geh nau mĭn ueh ndrel geh nau dơi tâm nau kan njrăng rdâng, săm ji, mât chăm nŭih ji. Ngăn lah tâm du nau kan kơl an yor n’hâm soan ƀon lan kơt: nau kan kơl an, khám săm ji ân nŭih ach o. Aơ lah ăp nai dak si mom ntoh lư leo lor janh mĭn, janh kan, mô klach nau jêr, nau roh gay ma râng nau kan, kơl an ăp ngih dak si, ngih dak si tâm nkuăl jru ngai, nkuăl jêr ngăn mô lah tâm nau kan geh tât nau njrăng, rdâng srê Covid-19 tâm lvang năm 2020-2021./.

Nŭih rblang: H’Thi